Ek chingari hoon mujhe hawa ki jaroorat hai
Bhatak chuka hoon bahut disha ki jaroorat hai.
Ghupp andheri raat hai koi to mere saath ho
Humsafar ke waste diya ki jaroorat hai.
Haan bahut udaas hoon, toot bhi sakta hoon
Dua karo mujhe bahut dua ki jaroorat hai.
Meri galti par kabhi mafi mat diya karo
Saja ka haqdaar hoon saja ki jaroorat hai.
Charon ore khamoshi hai, tanhai ka saath hai
Thake ummeedon ko zara hauslaa ki jaroorat hai.
Sathi mere zakhmo ko chhedna mat bund karo
Chhalak padne ko ek katra ki jaroorat hai.
04 February, 2007
Jaroorat Hai
Subscribe to:
Post Comments (Atom)
No comments:
Post a Comment